George VI | |||
Kong Georg ca. 1940-1946 | |||
Konge av Storbritannia | |||
Periode | 11. desember 1936–6. februar 1952 | ||
---|---|---|---|
Fullt namn | Albert Frederick Arthur George | ||
Fødd | 14. desember 1895 | ||
Fødestad | York Cottage | ||
Død | 6. februar 1952 | ||
Dødsstad | Sandringham House | ||
Mor | Mary av Teck | ||
Far | Georg V av Storbritannia | ||
Ektefelle | Elizabeth Bowes-Lyon | ||
Barn | Elizabeth II av Storbritannia, Margaret av Storbritannia | ||
Medlem | Royal Society The Work Foundation | ||
Føregangar | Edvard VIII | ||
Etterfølgjar | Elizabeth II |
Georg VI (14. desember 1895–6. februar 1952) var den tredje britiske monarken av fyrstehuset Windsor. Han var konge av Det sameinte kongeriket Storbritannia og Nord-Irland og det britiske imperiet frå 11. desember 1936 til 1952. I tillegg hadde han tittelen keisar av India frå 1936 til 1947. Fram til 1949 hadde han tittelen konge av Irland, medan han frå 1947 til 1952 hadde tittelen konge av Pakistan. Georg VI var son av kong Georg V av Storbritannia og dronning Mary av Teck. Broren Edvard VIII av Storbritannia gjekk av som konge i 1936 av di han ynskte å gifta seg med ei fråskild kvinne.
Georg VI var gift med Elizabeth Bowes-Lyon, som seinare fekk tilnamnet Dronning-mora. Under den andre verdskrigen symboliserte dei saman Storbritannia og imperiet si evne til å halda ut i kampen mot Nazi-tyskland.