Zoobank | ||
---|---|---|
Información xeneral | ||
URL | http://zoobank.org/ | |
Rexistru | 2006 | |
Idioma(es) disponibles | inglés | |
Zoobank, o Official Register of Zoological Nomenclature, ye una base de datos electrónica de los nomes científicos, les publicaciones científiques, y los especímenes tipu en taxonomía zoolóxica. Ye la base de datos oficial, llanzada nel 2012 depués d'una enmienda del Códigu Internacional de Nomenclatura Zoolóxica (ICZN). El so accesu ye llibre y gratuitu ("open access") al traviés de la web. L'encamientu 8A del Códigu encamienta a rexistrar nesa web les descripciones de nueves especies y otros "actos nomenclaturales" fechos, que pue faese al traviés de formularios en llinia.
Mientres munches décades la lliteratura zoolóxica taba indexada de forma non oficial pola base de datos bibliográfica The Zoological Récord, creada en 1864, que llegó a indexar un porcentaxe importante de nomes y espublizaciones (abondo más del 90%), magar nun yera obligación informalos a esa publicación y hebo otros índices que nun-y fixeron competencia. Los sos datos foron la primer fonte de datos del prototipu del Zoobank. Funcionó como prototipu mientres dellos años hasta qu'una enmienda del ICZN llanzólu oficialmente nel 2012. L'encamientu 8A del Códigu indica que se rexistren les actividaes nel Zoobank y tamién que s'unvie copia a The Zoological Récord.
Tien de crease una cuenta d'usuariu pa poder ingresar los datos na web. Dende 2012 pueden rexistrase: