Im Norde isch dränze s Griessetal un s Isital un nit erscht am Vierwaldstättersee. S ender voralpenartig Biet ghert doderno au zue dr Lozärner un Unterwaldner Voralpe
Vum Ängerlbärgertal här chunnt au dr Name Ängelbäärger Alpe fir die Gebirgsgegnig.
Gipfel
Dr hegscht Gipfel isch dr Dammastock (3'630 m). In dr Ürner Alpen het s e Hufe Dreidöuserder un Glätscher. Drotz ass si nit esi beriemt sin wie d Bärner Alpe in dr Nochberhschaft, biete d Ürner Alpen alles, was si dr Bärgstyger, Hochturischt un Naturliebhaber winscht. Ai Vorzug vu dr Ürner Alpe sin di hoche Uusgangspinkt, wu s em Bärgstyger megli mache, schnäl in d Hochgregion z chuu, un em em Turischt ohno greßeri Miei grandiose Hochgebirgsbilder megli mache. Derzue ghere e baar Bärgbahne im Norde vu dr Gruppe, vor allem aber di drei Bäss Suschtepass in dr Mitte vu dr Gruppe un Furkapass un Grimselpass am Grupperand.
Wie bi dr Nochbergebirgsgruppe am Alpenordrand het s au in dr Ürner Alpe vylmol Wescht- un Nordweschtwätterlage. Doderdur isch s Wätter in dr Ürner Alpe relativ uubständig un uuginschtiger wie in dr zäntrale un sidlige Alpedail.
Dreidöuserder
In dr Ürner Alpe git s 57 Dreidöuserder mit Näme. Si sin do no dr Hechi gornet ufzellt:
In dr Ürner Alpe git s zurzyt vier vu däne Landschafte.
Nr. 1507, Name: Bärner Hochalpe un Aletsch-Bietschhorn-Biet (nerdlige Deil), Johr vu dr Uufnahm in s Inventar: 1983, Revision: 1996, Greßi: 49'581 ha, des Biet isch nume zue me chlaine Dail in dr Ürner Alpe.
Nr. 1512, Name: Aareschlucht Innertchiuche-Meiringe, Johr vu dr Uufnahm in s Inventar: 1996, Greßi: 80 ha
Nr. 1606, Name: Vierwaldstättersee mit Kernwald, Bürgenstock und Rigi, Johr vu dr Uufnahm in s Inventar: 1983, Greßi: 38'198 ha, des Biet isch nume zue me Dail in dr Ürner Alpe..
Nr. 1710, Name: Rhoneglätscher mit Vorgländ, Johr vu dr Uufnahm in s Inventar: 1996, Greßi: 3'703 ha
Turismus
D Via Alpina, e Wytwanderwäg iber d Gränze mit fimf Dailwäg dur di ganze Alpe, goht au dur d Ürner Alpe.
Dr Grien Wäg vu dr Via Alpina goht mit zwoo Etappe dur d Ürner Alpe:
Etappe C7 goht vu Altdorf im Rüüsstal uf Engelberg iber dr Surenepass
Etappe C8 goht von Ängelbäärg uf Meiringe iber dr Jochpass
Literatur
Sergio Marazzi: Atlante Orografico delle Alpi. SOIUSA. Pavone Canavese (TO), Priuli & Verlucca editori, 2005. ISBN 978-88-8068-273-8
Dä Artikel basiert uff ere fräie Übersetzig vu dere Version vum Artikel „Urner_Alpen“ vu de dütsche Wikipedia. E Liste vu de Autore un Versione isch do z finde.